“Gəncə” “Sumqayıt”a qalib gəldi

Azərbaycan Basketbol Liqasının 10-cu turunda “Gəncə” “Sumqayıt”a qalib gəlib.

Komanda.az xəbər verir ki, turun son oyununda qərb təmsilçisi 98:79 hesablı qələbəyə sevinib. B qrupunun matçı Gəncə İdman Sarayında baş tutub.

10-cu turun əvvəlki qarşılaşmalarında “Neftçi” “Abşeron”u 84:76, “Naxçıvan” “Sabah”ı 80:75, “Sərhədçi” NTD-ni 78:64, “Şəki” “Lənkəran”ı 111:82, “Ordu” isə “Quba”nı 81:74 hesabı ilə məğlub edib.