“Gələcəyi onun əlindədir” – Ançelotti

“Real”ın baş məşqçisi Karlo Ançelotti komandanın yarımmüdafiəçisi Luka Modriçin klubdakı gələcəyindən danışıb.

Komanda.az İspaniya mətbuatına istinadən xəbər verir ki, italiyalı mütəxəssis xorvatiyalı yarımmüdafiəçi ilə bağlı belə deyib:

“Gələcəyi onun əlindədir. Hər şey ondan asılıdır. Kroos və Naçoda olduğu kimi. O, əla insandır, çox təvazökardır. Bilmirəm, o, ehtiyatda qalmaq istəyəcək, ya yox. Amma başa düşürəm ki, oyun praktikası vacib məqamdır”.

Modriçin “Real”la müqaviləsi bu mövsümün sonunda başa çatacaq.