“Barselona” “Fənərbaxça”nın futbolçusunu izləyir

“Fənərbaxça”nın futbolçusu Atilla Salai daha bir klubun diqqət mərkəzinə düşüb.

Komanda.az xəbər verir ki, İspaniyanın “Barselona” klubu macarıstanlı müdafiəçi ilə yaxından maraqlanır. Bu barədə İspaniya mətbuatı məlumat yayıb.

“Barselona” klubunun skautları bir müddətdir ki, Salaini izləyirlər. Kataloniya təmsilçisi yanvarda 23 yaşlı futbolçu üçün “Fənərbaxça”ya təklif göndərəcək.

Salai ilə daha əvvəl İngiltərədən “Çelsi”, İspaniyadan isə “Atletiko” və “Sevilya”nın maraqlandığı bildirilirdi.