“Fənərbaxça”dan ayrılan futbolçu Braziliyaya gedir

Mövsümün sonunda “Fənərbaxça”dan ayrılan Maurisio İslanın yeni klubu müəyyənləşib.

Komanda.az xarici mətbuata istinadən xəbər verir ki, 32 yaşlı futbolçu karyerasını Braziliyada davam etdirəcək. O, “Flamenqo” ilə anlaşıb. Tərəflər arasında 2022-ci ilin sonuna qədər nəzərdə tutulan müqavilə imzalanacaq.

Karyerası ərzində “Yuventus”, “Kalyari”, “Marsel” kimi klubların şərəfini qoruyan İsla, 2017-ci ildən “Fənərbaxça”nın uğurları üçün çalışırdı.