“Fənərbaxça” İtaliya klubundan transferə hazırlaşır

“Sassuolo”nun türkiyəli futbolçusu Mərt Müldürün iş yerini dəyişmək ehtimalı var.

Komanda.az xarici KİV-ə istinadən xəbər verir ki, “Fənərbaxça” onu transfer etmək fikrindədir. İstanbul klubu Müldür üçün qarşı tərəfə 3,5 milyon avro və bonuslar ödəyə bilər.

Onunla 2027-ci ilin yayına qədər nəzərdə tutulan müqavilə imzalanması gözlənilir.

Mərt Müldür 2022/23 mövsümündə İtaliya klubunun heyətində 3 oyuna çıxıb. O, zədəli olduğu üçün çox forma şansı qazana bilməyib.

“Fənərbaxça” öncədən Edin Dzeko, Rodriqo Bekao, Bartuğ Elmaz kimi futbolçuları transfer edib.