Slovakiya – Azərbaycan matçının hakimləri açıqlandı

Futzal üzrə Avropa çempionatının seçmə qrup mərhələsi çərçivəsində aprelin 8-də Levice şəhərindəki idman zalında keçiriləcək Slovakiya – Azərbaycan oyununun hakimləri müəyyənləşib.

Komanda.az xəbər verir ki, görüşü Finlandiyadan olan Kirill Nayşuller və Arttu Kyunyaryaynen idarə edəcək. Üçüncü hakim Martin Matula, timekeeper isə Miroslav Yezik olacaq. Hər iki hakim Slovakiyadandır. Qarşılaşmanın hakim-inspektoru funksiyasını Perri Qayter yerinə yetirəcək.

Aprelin 8-də keçiriləcək Slovakiya – Azərbaycan matçı saat 18:00-da start götürəcək.