Futbolçulara məsləhət: Bu 7 ölkənin klublarına getməyin!

Beynəlxalq Peşəkar Futbolçular Federasiyası (FIFPRO) futbolçulara 7 ölkənin klublarına transfer olmamağı məsləhət görüb.

Komanda.az xəbər verir ki, siyahıda Türkiyə, Çin, Səudiyyə Ərəbistanı, Rumıniya, Liviya, Əlcəzair və Yunanıstanın ikinci Liqası yer alıb.

Səbəb kimi qeyd olunan ölkələrdə geniş yayılmış sistematik müqavilə pozuntuları göstərilib. Belə ki, bu ölkələrin çempionatlarında oynamağa başlayan futbolçuların müqavilə üzrə məvaciblərini ala bilmədiyi və müxtəlif problemlərlə üzləşdiyi bildirilir.