Reşford komanda yoldaşlarını qəzəbləndirib

“Mançester Yunayted”in bəzi futbolçuları Premyer Liqanın 16-cı turunun “Mançester Siti” ilə matçı (2:1) üçün heyətə daxil edilmədikdən sonra transfer olunmağa hazır olduğunu bəyan edən hücumçu Markus Reşfordun açıqlamasına qəzəblənib.

Komanda.az “The Sun”-a istinadən xəbər verir ki, futbolçular bu vəziyyətdən narazıdırlar:

“Bəzi oyunçular Reşfordun dediklərindən və onun bunu indi söyləmək qərarına gəlməsindən çox narazıdırlar. “Mançester Siti” ilə oyunda qalib gəldikdən sonra hamı kənarda idi və sonra o, yalnız bir oyunda əvəzlənməsinə baxmayaraq, əslində transfer tələbini irəli sürdü.

Pol Poqba və Cessi Linqard kimi oyunçuların ayrılması ilə Reşfordun komandada çox yaxın dostu yoxdur, ona görə də, o, kifayət qədər sakitdir və lider kimi davranmır. Reşforddan daha çox şey gözlənilir, lakin görünür, o, səkkiz ildir əsas komandada çıxış etməsinə baxmayaraq, bununla maraqlanmır”.