“Futbolçular onlardan tələb olunanı edə bilmədilər” – Simeone

İspaniya La Liqasının 13-cü turu çərçivəsində “Real”a 0:2 hesabı ilə məğlub olan “Atletiko”nun baş məşqçisi Dieqo Simeone açıqlama verib.

Komanda.az İspaniya mətbuatına istinadən xəbər verir ki, argentinalı mütəxəssis, derbidəki məğlubiyyəti belə şərh edib:

“Oyunumuzu yaxşılaşdırmalıyıq. Haqlı tənqidlər eşidirik, bunları qəbul edirik. Bu matçda çox pis oynadıq. Rəqib oyuna çox güclü başladı. “Real” bizdən daha yaxşı oyun göstəribsə, onları təbrik etməliyik. Öz oyunumuzu tapa bilmədik. Futbolçular onlardan tələb olunanı edə bilmədilər. Toparlanmalı və növbəti oyuna köklənməliyik”.