“Futbolçular bu gün daha yüklənmiş vəziyyətdə meydana çıxmışdı” – Qurban Qurbanov

Bu gün “Qarabağ” Avstriyada ikinci yoxlama oyununu keçirib və Rumıniyanın “Krayova” klubuyla 0:0 hesablı heç-heçə edib.

Komanda.az “Qarabağ”ın rəsmi saytına istinadən xəbər verir ki, komandanın baş məşqçisi Qurban Qurbanov oyun haqda fikirlərini bildirib:

“Növbəti yoxlama oyunumuzu keçirdik. Bu gün yaxşı mübarizə apardıq və bir neçə qol epizodu yaratdıq. 3 gündən bir oynayırıq və futbolçular bu gün daha yüklənmiş vəziyyətdə meydana çıxmışdı. Oyundan oyuna daha yaxşı “performans” göstərəcəyik. Rəqibimiz də olduqca intizamlı və mübarizə aparan komandaydı”.