Ukraynada çempion bilindi – “Şaxtyor”un 4 illik seriyası qırıldı

Futbol üzrə Ukrayna Premyer Liqasında çempion bəlli olub.

Komanda.az xəbər verir ki, Kiyevin “Dinamo” komandası sona 3 tur qalmış çempionluğunu rəsmiləşdirib. Mirça Luçeskunun rəhbərlik etdiyi kollektiv 23 turdan sonra 58 xalla liderdir və ən yaxın izləyicisi “Şaxtyor”u 13 xal qabaqlayır.

“Dinamo” Ukrayna Premyer Liqasında “Şaxtyor”un 4 illik çempionluq seriyasını bitirib. Kiyev komandasının baş məşqçisi Luçesku isə məşqçi karyerasında 35-ci titulunu qazanıb.

“Dinamo” Ukraynada 15-ci dəfə Premyer Liqanın qalibi olub.