“Futbol Messiyə aid oyundur”

“Barselona”nın sabiq futbolçusu Xavyer Maskerano Kataloniya klubunun hücumçusu Lionel Messi ilə bağlı açıqlama verib.

Komanda.az xarici mətbuata istinadən xəbər verir ki, hazırda Argentinanın “Estudiantes” klubunun şərəfini qoruyan müdafiəçi, Messi ilə bağlı bunları deyib:

“Messi istədiyi müddətdə oynayacaq. Onun oyun anlayışı bənzərsizdir. Bu, hər yaşda oynamağı mümkün edər. Onun oyun anlayışı fiziki xüsusiyyətlərindən çox, zehniyyəti ilə bağlıdır. O, zəif xüsusiyyətləri olmayan futbolçudur. Futbol Messiyə aid oyundur”.

Maskerano 2010-2018-ci illərdə “Barselona”nın şərəfini qoruyub.