Ronaldo: “Tennisi futboldan daha çox sevirəm”

Braziliyalı keçmiş futbolçu Ronaldo tennisə üstünlük verdiyindən danışıb.

Komanda.az “Tennis majors”-a istinadən xəbər verir ki, “Barselona” və “Real”da forma geyinmiş keçmiş forvard hazırda futboldan çox, tennisdən zövq aldığını bildirib:

“Düşünürəm ki, bu gün tennisi futboldan daha çox sevirəm. İnanılmazdır, amma futbol matçlarına baxa bilmirəm. Onlar mənə darıxdırıcı görünür”.

Ronaldo ilə hardasa razılaşmaq olar. Belə ki, bir gün əvvəl Avropa çempionatının hər iki matçı 0:0 hesabı ilə başa çatıb. İngiltərə – Sloveniya və Danimarka – Serbiya oyunları qolsuz nəticə ilə yekunlaşıb.