“Frayburq” – “Qarabağ” matçının hakimləri məlum oldu

Almaniyada “Frayburq” və “Qarabağ” arasında keçiriləcək UEFA Avropa Liqasının qrup mərhələsinin 1-ci tur oyununun təyinatları açıqlanıb.

Komanda.az xəbər verir ki, matçı Belçikadan olan hakimlər briqadası idarə edəcək. Baş hakim Erik Lambrextsə Jo de Veirdt və Matias Hillert laynsmanlar qismində yardımçı olacaq. Dördüncü hakim funksiyasını Vim Smet yerinə yetirəcək.

VAR hakimləri fransalı Benua Miyo və Villi Delajo olacaq.

Qarşılaşmanın hakim-inspektoru ispaniyalı David Fernandes Borbalan, UEFA nümayəndəsi isə ingiltərəli Conatan Lizedir.

Sentyabrın 8-də Frayburq şəhərindəki “Europa-Park” stadionunda keçiriləcək oyun saat 23:00-da başlayacaq.

Bizi Telegramda izləyin