“Marsel”in futbolçusu “Qarabağ”dan danışdı

Fransanın “Marsel” klubunun futbolçusu Amin Harit Konfrans Liqasında “Qarabağ”a qarşı keçirəcəkləri oyunla bağlı fikirlərini bildirib.

Komanda.az xəbər verir ki, klubun saytına danışan mərakeşli yarımmüdafiəçi, Azərbaycan təmsilçisi ilə matçla bağlı bunları deyib:

“Qarabağ”ı bir neçə dəfə izləmişəm, xüsusilə də, Çempionlar Liqasında. Bu turnirdə oynamaq heç vaxt asan deyil. “Qarabağ” oyuna acdır və bütün rəqiblərimiz kimi, yüz faiz gücünü ortaya qoyacaq. İlk oyun Fransada olacaq. Cavab matçına daha rahat çıxmaq üçün evdə rəqibdən güclü olmalıyıq”.