“Atletiko”nun hədəfindəki fransalı

Fransanın “Lion” klubunun hücumçusu Mussa Dembele karyerasını İspaniyada davam etdirə bilər.

Komanda.az xəbər verir ki, 24 yaşlı futbolçu “Atletiko”nun hədəfindədir. Bu barədə “Lequipe” nəşri məlumat yayıb. Xəbərdə, Madrid klubunun Dembeleni icarəyə götürmək istədiyi bildirilir.

Fransız hücumçu da “Atletiko”nun baş məşqçisi Dieqo Simeonenin rəhbərliyi altında oynamaq istəyir.

Dembele bu mövsüm Fransa Liqa 1-də 16 oyunda 1 qol vurub. Hücumçunun “transfermarkt”da dəyəri 30 milyon avrodur.