Nigeriya millisinin üzvü “Lill”də

Fransanın “Lill” klubu heyətini yeni futbolçuyla gücləndirib.

Komanda.az xəbər verir ki, Liqa 1 təmsilçisi “Şarlerua” klubundan Viktor Osimeni transfer edib. Bu barədə klubun rəsmi saytı məlumat yayıb. 20 yaşlı hücumçu ilə 5 illik müqavilə imzalanıb.

“Lill” Osimen üçün 13 milyon avro təzminat ödəyib. “Şarlerua” nigeriyalı hücumçunu ötən ay 3,5 milyon avro qarşılığında “Volfsburq”dan transfer etmişdi. Osimen son mövsümü icarə əsasında məhz “Şarlerua” klubunda keçirib.

Osimen 5 dəfə də Nigeriya millisinin şərəfini qoruyub.