Jiru “Milan”dan ayrılır?

“Milan”ın hücumçusu Olivye Jiru klubla müqaviləsini yeniləməyəcək.

Komanda.az “Football İtalia”-ya istinadən xəbər verir ki, 37 yaşlı forvard “Milan”la 2024-cü il iyunun 30-da başa çatacaq müqaviləsini uzatmamaq qərarına gəlib.

“Milan” sözləşməni yeniləməkdə maraqlı olsa da, fransalı futbolçu karyerasını başqa klubda davam etdirmək niyyətindədir. Jirunun MLS komandalarından birinə keçməyi düşündüyü iddia edilir.

Jiru bu mövsüm “Milan”ın heyətində 21 oyun keçirib, 9 qol vurub və 6 məhsuldar ötürmə verib.