Fransalı hücumçunun “Yuventus”a keçidi bu gün rəsmən açıqlanacaq

PSJ-nin hücumçusu Randal Kolo Muani “Yuventus”a keçməyə yaxındır.

Komanda.az xarici KİV-ə istinadən xəbər verir ki, fransalı hücumçu “Yuve” ilə müqaviləni yekunlaşdırmaq üçün Turinə gəlib.

Tərəflər artıq transferin şərtlərini razılaşdırıblar. Keçidlə bağlı rəsmi açıqlama bu günün sonuna qədər veriləcək. Onun transfer dəyəri 30 milyon avro qiymətləndirilir.

Kolo Muani 2023-cü ilin payızından PSJ-də çıxış edir. Onun parislilərlə müqaviləsi 2028-ci ilin ortalarına qədərdir. 26 yaşlı hücumçu bu mövsüm 14 matçda iştirak edib, 2 qol vurub və 1 məhsuldar ötürmə verib.