“Vest Hem”i tərk edir – BƏƏ klubuna keçəcək

“Vest Hem”in müdafiəçisi Kurt Zuma yaxın vaxtlarda Xulen Lopeteqinin komandasını tərk edəcək.

Komanda.az xarici KİV-ə istinadən xəbər verir ki, fransalı futbolçu Birləşmiş Ərəb Əmirliklərindən (BƏƏ) “Şabab Əl Əhli”yə keçəcək. Onun transferi azad agent kimi baş tutmalıdır, baxmayaraq ki, Zumanın “Vest Hem”lə müqaviləsinin bitməsinə daha bir il qalıb. Tərəflər qarşılıqlı razılıq əsasında müqaviləni ləğv etməyə hazırdırlar.

“Vest Hem” Zumanın maaşına qənaət etmək qərarına gəlib, buna görə də, klub rəhbərliyi futbolçunu pulsuz buraxmağa razı olub.

29 yaşlı müdafiəçi “Vest Hem”ə 2021-ci ilin yayında “Çelsi”dən keçib.