Daha bir tanınmış futbolçu Səudiyyə Ərəbistanına getməyə hazırlaşır

“Betis”in yarımmüdafiəçisi Nabil Fekir Avropanı tərk edərək, Səudiyyə Ərəbistanı çempionatına keçə bilər.

Komanda.az “Todofichajes”-ə istinadən xəbər verir ki, “Əl-İttihad” fransalı futbolçunun transferində maraqlıdır. Fekir özü də indi mümkün transferi nəzərdən keçirir.

30 yaşlı futbolçu 2019-cu ilin yayından “Betis”də çıxış edir. Tərəflər arasındakı müqavilə 2026-cı ilin iyun ayının sonunda başa çatır.

Fekir ötən mövsüm La Liqada 19 oyun keçirib, 1 qol vurub və 2 məhsuldar ötürmə edib.