Fransada ilin ən yaxşı futbolçusu bəlli oldu

Fransada 2019-cu ilin ən yaxşı futbolçusu müəyyənləşib.

Komanda.az xəbər verir ki, bu ada ölkənin milli komandasının və PSJ-nin hücumçusu Kilian Mbappe layiq görülüb.

“France Football” nəşrinin keçirdiyi sorğuda ən yaxşı seçilən 20 yaşlı forvard ardıcıl ikinci ildi bu uğura imza atır. Belə ki, 2018-ci ildə də Fransanın ən yaxşı futbolçusu məhz Mbappe olmuşdu.

“Monako”nun yetirməsi olan Mbappe 2017-ci ildən PSJ-də forma geyinir. Cari mövsümdə bütün turnirlə çərçivəsində 19 oyuna çıxan futbolçu 18 qola imza atıb. Onun hesabında 2 məhsuldar ötürmə də var.