Mbappedən 8:0-a şərh: “Rəqibə hörmətlə yanaşdıq”

Fransa millisinin futbolçusu Kilian Mbappe DÇ-2022-nin seçmə mərhələsində Qazaxıstanı məğlub etdikləri (8:0) matçdan sonra fikirlərini bildirib.

Komanda.az UEFA-nın mətbuat xidmətinə istinadən xəbər verir ki, matçda 4 qol vuran Mbappe, bunları söyləyib:

“Əsas olan final mərhələsinə vəsiqə qazanmaq idi. Titulumuzu qorumaq istəyirik. Dünya çempionatında iştirak edənlər üçün bunu qazanmaq bir xəyaldır. Bundan azarkeşlər də məmnundur, biz də. Rəqibə hörmətlə yanaşdıq. Sona qədər getmək istəyirik”.