AÇ-2024: “Fransa millisi dünyanın ən yaxşı iki komandasından biridir”

İspaniya millisinin yarımmüdafiəçisi Rodri Hernandes Avropa çempionatının yarımfinalında Fransa ilə qarşıdakı görüşdən danışıb.

Komanda.az UEFA-nın mətbuat xidmətinə istinadən xəbər verir ki, o, rəqib komandanın əla fiziki hazırlığa malik olduğunu bildirib:

“Fransa millisi dünyanın ən yaxşı iki komandasından biridir. Artıq bir neçə ildir ki, özlərini sübut edirlər. Əla fiziki hazırlığa malikdirlər və əks-hücumlarda əladırlar. Fransada çoxlu istedadlı futbolçular var. Amma biz onlardan qorxmuruq. İspaniya bura titul üçün gəlib”.

İspaniya yığması ilə Fransa millisi arasında yarımfinal matçı bu gün keçiriləcək.