Fransa millisinin sabiq üzvü C Seriyası klubunda

Fransa milli komandasının sabiq futbolçusu Jeremi Menez yenidən İtaliyaya qayıdır.

Komanda.az xəbər verir ki, 33 yaşlı hücumçu C Seriyası təmsilçisi “Recina”ya transfer olmağa yaxındır. Bu barədə “La Gazette dello Sport” nəşri məlumat yayıb. Menezin “Recina”yla ilkin razılaşma əldə etdiyi bildirilib.

Menezin son klubu Fransa “Paris”i olub. Hücumçu, 2-ci liqa təmsilçisiylə olan müqaviləsini qarşılıqlı razılaşma əsasında ləğv edib.

Karyerası ərzində “Roma”, PSJ, “Milan”, “Monako”, “Bordo” kimi klublarda çıxış edən hücumçu, 24 dəfə də Fransa milli komandasının formasını geyinib.