AÇ-2020: Ronaldodan sonra Poqba – bu dəfə pivə butulkası VİDEO

Fransa milli komandasının futbolçusu Pol Poqba AÇ-2020-nin qrup mərhələsinin ilk turunda Almaniyanı 1:0 hesabı ilə məğlub etdikləri oyundan sonra maraqlı addımla yadda qalıb.

Komanda.az xəbər verir ki, 28 yaşlı yarımmüdafiəçi oyundan sonra təşkil olunan mətbuat konfransı zamanı masanın üzərində olan pivə butulkasını götürərək yerə qoyub. Poqbanın bu addımı maraqla qarşılanıb.

Bundan əvvəl Portuqaliya millisinin üzvü Kriştiano Ronaldo AÇ-2020-nin Macarıstanla oyunundan əvvəl təşkil olunan mətbuat konfransı zamanı masanın üzərində olan “Coca-Cola” butulkasını kənara qoymuş və adi suyun daha faydalı olduğu mesajını vermişdi.

“Heineken” pivəsi və “Coca-Cola” AÇ-2020-nin əməkdaşlarındandır.