“Heç vaxt təslim olmadıq” – Benzema

Fransa milli komandasının futbolçusu Kərim Benzema UEFA Millətlər Liqasının finalında İspaniya yığmasını məğlub etdikləri oyundan sonra fikirlərini bildirib.

Komanda.az xəbər verir ki, UEFA-nın mətbuat xidmətinə danışan fransalı hücumçu, 2:1 hesabıyla qələbə qazandıqları matçı belə şərh edib:

“Həm fərdi, həm də komanda uğuru baxımından möhtəşəm bir axşam idi. Həqiqətən, Fransa millisiylə titul qazanmaq istəyirdim. Asan olmadı və komandamız xarakter nümayiş etdirdi. Heç vaxt təslim olmadıq.

Belə möhtəşəm qol vuranda hər zaman şans amilinin köməyi də olur. Topa vuranda qapya düşəcəyimi bilirdim, amma “doqquzluğ”a gedəcəyini bilmirdim”.