Mbappe ilə Neymarın cəzası açıqlandı

Fransa kubokunun “Renn”lə final qarşılaşmasında qırmızı vərəqə alan PSJ-nin futbolçusu Kilian Mbappenin cəzası məlum olub.

Komanda.az xəbər verir ki, Fransa Futbol Federasiyası 20 yaşlı hücumçuya üç oyunluq cəza verib. Bu barədə qurumun rəsmi saytı məlumat yayıb. Mbappe, “Renn”lə final oyununun 118-ci dəqiqəsində rəqib müdafiəçi Damyen Da Silvaya sərt müdaxiləsindən sonra meydandan qovulmuşdu.

Sözügedən qarşılaşmadan sonra azarkeşə yumruq vuran Neymara isə intizam işi açılıb.

Fransa kubokunun finalında, əsas vaxtı 2:2 hesabıyla bitən matçda penaltilər seriyasında “Renn” qələbə qazanıb və kubokun sahibi olub.