Fransa klubundan “Real”a

İspaniyanın “Real” klubu növbəti transferini açıqlamağa hazırlaşır.

Komanda.az xəbər verir ki, La Liqa nəhəngi Frankfurt “Ayntraxt”ından transfer etdiyi Luka Yoviçdən sonra, Lion “Olimpik”inin sol cinah müdafiəçisi Ferland Mendini heyətinə qatacaq.

İspaniya mətbuatının yazdığına görə, Madrid təmsilçisi həm Fransa klubu, həm də futbolçunun özü ilə bütün məsələlərdə razılığa gəlib. “Real”ın qısa zaman içində bu transfer rəsmən açıqlayacağı iddia olunur.

23 yaşlı futbolçu da Yoviç kimi, 6 illik müqaviləyə imza atacaq. “Real” bu transferə görə, Lion təmsilçisinə 50 milyon avro təzminat ödəyəcək.

Geridə qalan mövsümdə “Olimpik”in heyətində 44 oyuna çıxan Mendi, 3 qol və 3 məhsuldar ötürmə müəllifi olub. Gənc müdafiəçi Fransa yığmasında da 2 oyun keçirib.