“A Seriyası ilə Liqa 1 arasında heç bir fərq görmürəm”

“Lill”in hücumçusu Olivye Jiru hesab edir ki, Fransa Liqa 1-i səviyyə baxımından İtaliya A Seriyasına tam bərabərdir.

Komanda.az “Ekip”-ə istinadən xəbər verir ki, 36 yaşlı forvard Fransa çempionatının heç də İtaliya liqasından geri qalmadığını deyib:

“İngiltərə Premyer Liqası ilə müqayisə aparmazdım, amma A Seriyası ilə bizim Liqa 1 arasında heç bir fərq görmürəm. Məncə, Fransa çempionatı heç də İtaliya liqasından geri qalmır”.

Jiru 2021/22 mövsümündə “Milan”ın heyətində A Seriyasında çempion olub. Ondan əvvəl isə o, uzun illər “Arsenal”ın formasını geyinib.

Fransalı forvard ötən mövsüm MLS-də “Los Anceles”in heyətində çıxış edib, indi isə karyerasını yenidən Fransa çempionatında davam etdirir.