Formula 2: Artur Lekler Bakıdakı yarışda uğursuzluqla üzləşib

“Dams” komandasının pilotu Artur Lekler Formula-2 üzrə Azərbaycan qran-prisində uğursuzluqla üzləşib.

Komanda.az xəbər verir ki, 23 yaşlı pilot sərbəst yürüşü sonadək davam etdirə bilməyib.

Leklerin bolidi ikinci döngənin çıxışında fırlanandan sonra dayanıb və nəticədə qırmızı bayraq qaldırılıb.

Artur Lekler “Ferrari” pilotu Şarl Leklerin qardaşıdır.

Bu gün həmçinin, ikinci dərəcəli pilotların sıralama turu da keçiriləcək. Əsas yarış aprelin 30-da təşkil olunacaq.