Reytinq: Qurbanov gerilədi, Bordin…

“Football World Rankings” portalı 2020-ci ildə dünyanın ən yaxşı məşqçilərinin ilk reytinq cədvəlini açıqlayıb.

Komanda.az xəbər verir ki, “Qarabağ” klubunun baş məşqçisi Qurban Qurbanov 2019-cu ilin son reytinq cədvəlinə görə 1 pillə geriləyib. Belə ki, Qurbanov ötən siyahıda 574-cü idisə, indi 575-ci sıradadır.

“Neftçi”nin baş məşqçisi Roberto Bordin isə 1 pillə irəliləyib. Ötən reytinq cədvəlində 678-ci olan italyan mütəxəssis, hazırda 677-ci pillədədir.

Dünyanın ən yaxşı baş məşqçilərinin reytinq cədvəlinin ilk sırasında “Barselona”nın çalışdırıcısı Ernesto Valverdedir. İkinci “Liverpul”dan Yurgen Klopp, 3-cü isə “River Pleyt”dən Marselo Qalyardodur.