“Mançester Siti”nin futbolçusu karyerasında ilkə imza atıb

“Mançester Siti”nin ingilis yarımmüdafiəçisi Fil Foden karyerasında ilk dəfə bir mövsümdə bütün yarışlarda ən azı 20 qol vurub.

Komanda.az xarici KİV-ə istinadən xəbər verir ki, Foden Premyer Liqanın 31-ci turunda “Mançester Siti” ilə “Aston Villa”nın qarşılaşdığı (4:1) matçda het-trik edib.

Foden MS-nin yetirməsidir. Yarımmüdafiəçi 2017-ci ildən “şəhərlilər”in əsas komandasında çıxış edir. İngiltərəli futbolçunun klubla hazırkı müqaviləsi 2027-ci ilin iyun ayının sonuna qədərdir.

“Mançester Siti” 30 oyunda topladığı 70 xalla Premyer Liqanın turnir cədvəlinin 3-cü pilləsində qərarlaşıb.