Flikin Qavi ilə bağlı arzusu

Baş məşqçi Hans-Diter Flik, “Barselona”nın 20 yaşlı futbolçusu Qavini gələn il daha güclü görəcəyinə ümid edir.

2023-cü ilin noyabrından 2024-cü ilin oktyabrına qədər zədə səbəbindən oyuna çıxa bilməyən futbolçu, komandaya qayıtdıqdan sonra daha çox əvəzedici kimi meydana çıxıb.

Komanda.az “Diario Sport”-a istinadən xəbər verir ki, yaxın gələcəkdə bu vəziyyətin dəyişəcəyi gözlənilir. Ən azından, Flik buna ümid edir. Alman mütəxəssis Qavinin 2025-ci ildə əvvəlki səviyyəsinə qayıtmasına kömək etməyi planlaşdırır. Qavi hələ də “Barselona”nın baş məşqçisi üçün mühüm oyunçudur.

Qavi bu mövsümdə “Barselona”nın 13 matçında iştirak edib və bir ötürmə ilə yadda qalıb.