Flik 16 yaşlı qapıçını “Barselona”nın əsas heyətinə cəlb edəcək

“Barselona”nın baş məşqçisi Hans-Diter Flik klubun gənclər akademiyasından olan istedadlı qapıçıya diqqət çəkib.

Komanda.az “Diario Sport”-a istinadən xəbər verir ki, almaniyalı çalışdırıcı 18 yaşadək futbolçulardan ibarət komandada çıxış edən İker Rodrigesin inkişafını diqqətlə izləyir.

16 yaşlı qolkiper yaxın günlərdə “Barselona”nın əsas heyəti ilə məşq edəcək. Onun U-17, U-16 və U-15 səviyyələrində İspaniya milli komandalarında oynamaq təcrübəsi var.

“Barselona” La Liqada 21 matçdan sonra 42 xalla turnir cədvəlinin 3-cü pilləsində qərarlaşıb.