Flik karyerasını bitirən qapıçını “Barselona”da görmək istəyir

“Barselona”nın baş məşqçisi Hans-Diter Flik komandaya dəvət etmək istədiyi qapıçını seçib. Əsas qapıçı Mark-Andre ter Ştegen zədə səbəbindən mövsümün qalan hissəsini buraxacaq.

Komanda.az xarici KİV-ə istinadən xəbər verir ki, “Barselona”nın hazırda azad agent statusunda olan oyunçuları transfer etmək üçün iki variantı var. Söhbət “Real”ın sabiq qapıçısı Keylor Navas və peşəkar karyerasını yayda başa vuran Voyçex Şesnıdan gedir.

Flik “Barselona”da oynamaq üçün yenidən futbola qayıtmağa hazır olacaq Şesnını komandasında görmək istəyir.