Flik tanınmış futbolçunun “Barselona”ya keçidini əngəlləyir

“Əl-İttihad”ın yarımmüdafiəçisi Nqolo Kante yay transfer pəncərəsində “Barselona”nın heyətinə qoşula bilər.

Komanda.az “Mundo Deportivo”-ya istinadən xəbər verir ki, fransalı futbolçu Səudiyyə Ərəbistanındakı həyata uyğunlaşmayıb, ona görə, agentlərdən ona Avropada komanda tapmağı xahiş edib.

“Barselona”nın idman direktoru Deku bu variant üzərində işləyib – Kante “Əl-İttihad”dan icarə əsasında Kataloniya klubuna keçə bilər. Lakin onun keçidi hələ ki, “Barselona”nın baş məşqçisi Hans-Diter Flik tərəfindən əngəllənir. Məsələ ondadır ki, almaniyalı məşqçi heyəti gəncləşdirməkdə maraqlıdır.

Kante AÇ-2024-də yaxşı çıxış edib, lakin 2024/2025 mövsümündə onun 34 yaşı tamam olacaq.