Flik ona istirahət verəcək

“Barselona”nın sağ cinah müdafiəçisi Jül Kundenin “Brügge” ilə qarşıdakı Çempionlar Liqası matçında start heyətində yer almayacağı gözlənilir.

Komanda.az xarici KİV-ə istinadən xəbər verir ki, Kataloniya klubunun baş məşqçisi Hans-Diter Flik fransalı futbolçuya istirahət vermək niyyətindədir. Erik Qarsiyanın onu əvəz edəcəyi gözlənilir.

Kunde bu mövsüm İspaniya klubunun heyətində 14 oyununun hamısında oynayıb və 11-də start heyətində yer alıb.

“Barselona”nın Çempionlar Liqasının 3 turundan sonra 6 xalı var.