Flik: “Əlimdə olan futbolçulardan razıyam”

“Barselona”nın baş məşqçisi Hans-Diter Flik mətbuat konfransında komandasının İspaniya çempionatında “Real”la rəqabət apara biləcəyi ilə bağlı sualı cavablandırıb.

Komanda.az “Mundo Deportivo”-ya istinadən xəbər verir ki, almaniyalı çalışdırıcı komandasında keyfiyyətin yüksək olduğunu bildirib:

“Bu suala əvvəllər cavab vermişəm. Bizdə keyfiyyət yüksəkdir və futbolda hər şey udub-udmamağınızdan asılıdır. Hər oyuna hazırlaşacağıq. Əlimdə olan futbolçulardan razıyam. Mən kluba güvənirəm və komandanın göstərdiklərindən razıyam. Zədəlilər qayıdanda əminəm ki, biz yaxşı və güclü komanda olacağıq”.

“Barselona” La Liqanın ilk turunda “Valensiya” ilə qarşılaşacaq.