Flik Kasadonu erkən əvəzləməsinin səbəbini açıqladı

“Barselona”nın baş məşqçisi Hans-Diter Flik “Xetafe” ilə matçda (1:1) ilk hissədən sonra yarımmüdafiəçi Mark Kasadonu niyə əvəzlədiyini açıqlayıb.

Komanda.az “Barca Universal”-a istinadən xəbər verir ki, o, sadəcə dəyişiklik üçün bunu etdiyini söyləyib:

“Fasilədə Kasadonu əvəz etmək? Onun səhhətində heç bir problem yoxdur. Biz sadəcə oyunumuzda dəyişiklik etmək istədik”.

Fasilə zamanı almaniyalı baş məşqçi gözlənilmədən ispaniyalı yarımmüdafiəçini meydandan kənarlaşdırmaq qərarına gəlib və əvəzində Frenki de Yonqu meydana buraxıb.

“Barselona” La Liqada 20 turdan sonra 39 xalla turnir cədvəlinin 3-cü pilləsində qərarlaşıb. “Atletiko” ilə “Real” isə 44 və 43 xalla 1-ci, 2-ci pillələrdə qərarlaşıblar.