Flik De Yonqu niyə oynatmayıb?

“Barselona”nın baş məşqçisi Hans-Diter Flik İspaniya La Liqasının 10-cu turunun “Sevilya” ilə matçında yarımmüdafiəçi Frenki de Yonqun yoxluğunu şərh edib.

Komanda.az “Barsa Universal”-a istinadən xəbər verir ki, almaniyalı çalışdırıcı mətbuat konfransında De Yonqun zədəli olmadığını bildirib:

“De Yonq zədəli deyil, oynaya bilərdi. Mən sadəcə onun yerinə Qavini seçdim”.

Qarşılaşma “Barselona”nın 5:1 hesablı qələbəsi ilə başa çatıb.

De Yonq 2024-cü ilin aprelində topuğundan aldığı zədəni sağaldır. O, oktyabrda 24 dəqiqə meydanda qaldığı iki matçda iştirak edib. Qavi isə zədə səbəbindən 11 aylıq fasilədən sonra “Sevilya” ilə matçda meydana çıxıb.