“Flik çox şey tələb edir” – “Barselona”nın futbolçusu

“Barselona”nın hücumçusu Pau Viktor komandanın baş məşqçisi Hans-Diter Flikin keyfiyyətlərindən danışıb.

Komanda.az xarici KİV-ə istinadən xəbər verir ki, o, bunu deyib:

“Flik? O, futbolçulara çox yaxın olan insandır. O, çox şey tələb edir, çox intensivlik istəyir və oyunçular yavaşlamırlar. Bu, hətta matçlarda da görülür”.

Flik yayda Xavi Hernandesi əvəz edərək, “Barselona”nın yeni baş məşqçisi olub. “Barsa” almaniyalı mütəxəssisin başçılığı altında İspaniya çempionatında keçirdiyi 4 matçın hamısında qalib gəlib.

Viktor yayda “Jirona”dan “Barselona”ya keçib.