Flik: “Bu oğlanlar futbol oynamağı sevirlər”

“Barselona”nın baş məşqçisi Hans-Diter Flik komandada nəyi bəyəndiyini açıqlayıb.

Komanda.az “Barça One”-a istinadən xəbər verir ki, almaniyalı çalışdırıcı indi oyunçuların utancaq olmadığını bildirib:

“Məni heyran edən və ən çox bəyəndiyim şey oyunçular arasındakı əlaqədir, bizdə əla atmosfer, düzgün mentalitet var. Bu oğlanlar futbol oynamağı sevirlər.

Futbolçularla ünsiyyət? Bəzən məşqçilər heyəti kiminləsə fərdi, bəzən də bütün komanda ilə danışır. Hamısı hansı məqsədə güvəndiyimizdən asılıdır. Mən bəyənirəm ki, indi oyunçular utancaq deyillər və söhbətə özləri gələ bilirlər”.

“Barselona” 19 turdan sonra İspaniya çempionatının turnir cədvəlində 3-cü pillədə qərarlaşıb.