Flik “Barselona”nın müdafiəçilərini hədələyib?

“Barselona”nın baş məşqçisi Hans-Diter Flikin La Liqanın 11-ci turunda “Real”la səfər oyununun fasiləsində futbolçularına nə dediyi məlum olub.

Komanda.az “Mundo Deportivo”-ya istinadən xəbər verir ki, almaniyalı çalışdırıcı matçın fasiləsində “Barselona”nın müdafiəçilərini yüksək ofsayd xətti ilə birinci hissənin taktikasına sadiq qalmadıqları təqdirdə, onları əvəzləyəcəyi ilə hədələyib:

“Kim bir metr geri addım atarsa, mən onu dərhal əvəz edəcəm”.

“El klasiko” “Barselona”nın 4:0 hesablı qələbəsi ilə başa çatıb. Flikin komandası dörd qolun hamısını ikinci hissədə vurub.