“Barselona” argentinalı futbolçunun transferindən imtina edib

“Betis”in yarımmüdafiəçisi Quido Rodriqes “Barselona”ya keçməyəcək.

Komanda.az “Diario Sport”-a istinadən xəbər verir ki, “Barsa” 30 yaşlı argentinalı futbolçu ilə müqavilə imzalamamaq qərarına gəlib. “Barselona”nın yeni baş məşqçisi Hans-Diter Flikin Rodriqesin komandaya kömək edəcəyinə əmin olmadığı üçün bu transferdən imtina etdiyi bildirilir.

“Barselona”nın hazırkı hədəfi “Real Sosyedad”ın yarımmüdafiəçisi Mikel Merinodur. 27 yaşlı vingerin dəyəri 50 milyon avro qiymətləndirilir. İspaniyalı futbolçunun klubla hazırki müqaviləsi 2025-ci ilin ortalarına qədər nəzərdə tutulub.