Flik Arauxo haqda: “Onu diqqətlə izlədim”

“Barselona”nın baş məşqçisi Hans-Diter Flik Kral kuboku matçında “Barbastro”ya 4:0 hesabı ilə qalib gəldikləri oyundan sonra müdafiəçi Ronald Arauxonun çıxışı haqda fikirlərini bölüşüb.

Komanda.az xarici KİV-ə istinadən xəbər verir ki, almaniyalı çalışdırıcı, Arauxonu diqqətlə izlədiyini bildirib:

“Arauxo bu yaxınlarda ciddi zədəsini sağaltdı. Bu gün onun səviyyəsini görə bilərsiz. 90 dəqiqə oynamağa hazır olduğuna əmin olmaq üçün ikinci hissədə onunla daim əlaqə saxladım. Mən onu diqqətlə izlədim”.

Uruqvaylı futbolçu iyuldan meydanlarda görünməsə də, Kral kuboku matçının əvvəlindən final fitinə qədər oynaya bilib. O, milli komandanın heyətində Amerika kubokunda zədələnmişdi.