“Flamenqo”nun “Qarabağ”ın futbolçusuna təklif etdiyi maaş məlum olub

“Qarabağ”ın hücumçusu Olavio Juninyonu transfer etmək istəyən Braziliyanın “Flamenqo” klubunun ona təklif etdiyi maaş məlum olub.

Komanda.az xəbər verir ki, bu barədə “Flamengomelhor” nəşri məlumat yayıb.

A Seriyası klubunun 28 yaşlı hücumçu ilə aylıq 700000 Braziliya realı (təxminən 206000 manat) qarşılığında şifahi razılıq əldə etdiyi bildirilir.

“Flamenqo” “Qarabağ”a isə 4 milyon avro təklif edib. Hazırda tərəflər arasında danışıqlar davam edir.

Juninyo 2023-cü ildən “Qarabağ”ın formasını geyinir. O, Azərbaycan çempionatının və kubokunun qalibi olub.