“Flamenqo”dan “Milan”a – 11 milyon avroya

Növbəti mövsüm üçün hazırlıqları davam etdirən İtaliyanın “Milan” klubu yeni transferə hazırlaşır.

Komanda.az xarici mətbuata istinadən xəbər verir ki, “qırmızı-qaralar”,  “Flamenqo”nun müdafiəçisi Leo Duarteni heyətinə qatmağa hazırlaşır. Braziliya klubunun baş məşqçisi Jorge Xesus, 23 yaşlı futbolçu üçün “Milan”la razılıq əldə etdiklərini bildirib:

“Duarte növbəti mövsüm “Milan”ın formasını geyinəcək. Razılıq əldə olunub. O, çox istedadlı futbolçudur. Onun üçün ən yaxşısını arzulayıram”.

İtaliya təmsilçisinin braziliyalı futbolçu üçün “Flamenqo”ya 11 milyon avro təzminat ödəyəcəyi bildirilir.