Braziliya klubu Sampaolini göndərir

“Flamenqo” rəhbərliyi komandanın baş məşqçisi Xorxe Sampaolini istefaya göndərmək qərarına gəlib.

Komanda.az “Globo”-ya istinadən xəbər verir ki, onun gedişi tərəflər arasında təzminatın ödənilməsi ilə bağlı fikir ayrılığı səbəbindən hələ ki, yubanır.

Klub Sampaolinin yerinə Braziliya millisinin sabiq baş məşqçisi Titeni təyin etmək istəyir.

“Flamenqo” 24 oyundan sonra 40 xalla Braziliya çempionatının turnir cədvəlində yeddinci yerdədir.