“Fiziki cəhətdən istənilən səviyyədə deyilik” – “Səbail”in futbolçusu

“Səbail”in yeni transferi Eriko da Silva açıqlama verib.

Komanda.az Rumıniya mətbuatına istinadən xəbər verir ki, 30 yaşlı müdafiəçi, “Səbail”ə transfer olunmasından danışıb:

“Astra” ilə müqaviləm başa çatdıqdan sonra “Səbail” mənimlə əlaqə saxladı. Onlar baş məşqçinin məni Avropa Liqasında “Zirə” ilə keçirdiyimiz oyunlardan xatırladığını bildirdilər. Danışıqlardan sonra “Səbail”ə keçməyə qərar verdim. Bu klubda oynayan Maykl Essyen karyeram ərzində komanda yoldaşım olan ən məşhur futbolçudur. O, yüksək keyfiyyətləri olan insandır. Onunla tanış olmaqdan və birlikdə oynamaqdan məmnunam”.

Braziliyalı futbolçu, Avropa Liqasında qarşılaşacaqları “Universitatya Krayova” ilə bağlı da danışıb:

“Avropa Liqasının birinci təsnifat mərhələsində Rumıniya klubu ilə oynayacağımızı gözləmirdim, amma buna şadam. Rəqibimiz bizimlə qarşılaşa biləcək klublar arasında ən güclüsü idi. Keçən mövsümlə müqayisədə “Səbail”də xeyli dəyişiklik olub. Fiziki cəhətdən istənilən səviyyədə deyilik. Ona görə də, topa daha çox nəzarət etməliyik. Düşünürəm ki, ilk oyunu öz azarkeşlərimiz qarşısında keçirməyimiz bizim üçün yaxşıdır. Burda sərfəli nəticə əldə edə bilsək, səfərə daha yaxşı planla yollanacağıq. Süni örtüklü meydanda oynamaq “Səbail” üçün üstünlükdür. Onlar bu cür qazona öyrəşiblər. Hazırda meydanın vəziyyəti pis deyil”.